ЙИРИК КОМПАНИЯЛАР ИШОНЧИДА
“Hamkorbank” АТБ Самарқанд минтақавий банк хизматлари офисининг молиявий самарадорлигига бошқа ҳудудлардаги анча-мунча молия муассасалари ҳавас қилади. Негаки ушбу банк вилоятдаги энг йирик юридик корхона-ташкилотларнинг ишончини қозониб келмоқда. Айни пайтда МБХОнинг 62 та йирик ва ВИП, 2,5 мингта кичик ва ўрта бизнес билан шуғулланувчи актив мижозлари бор.
Сифатли хизматлар, муваффақиятли дипломатик ёндошув ва корпоратив имиж сабабли яқинда Самарқанд шаҳрида фаолият кўрсатаётган дунёнинг барча давлатларига саёҳатлар ташкил қилувчи ва авиачипталар савдоси билан шуғулланувчи йирик компания — “Atlanta Air” МЧЖ билан келишувга эришилди. Бундан ташқари, “Ҳакан агро инвест” йирик экспортёр қўшма корхонасининг жалб қилиниши ҳам МБХОнинг муваффақиятли одимларидан бири бўлди. Самарқанд автомобиль заводи билан ҳамкорлик натижасида эса корхонанинг иш ҳақи билан боғлик хорижий контрактлари тўлиқ олиб ўтилди ва 1400 та пластик карта очилди. Юқоридаги каби йирик мижозларнинг жалб қилиниши режа кўрсаткичларининг ўсиб боришига ҳам хизмат қилмоқда. Масалан, йил бошига нисбатан йирик ва вип мижозларни кредитлаш 115 фоизга, кичик ва ўрта бизнесни кредитлаш 135 фоизга ўсди.
