ОДДИЙ ЁҒОЧДАН МУВАФФАҚИЯТЛИ БИЗНЕС САРИ

Пойтахтда истиқомат қилувчи Шавкатбек Назаров якка тартибдаги тадбиркор. Бугун у уч кишилик жамоаси билан анча катта ҳажмдаги  ишларни амалга оширмоқда. Ҳа, баъзида яхши пул топиш учун  сон эмас, сифат ва ўзига хослик ҳам муҳим роль ўйнайди. Шавкатбекнинг ажойиб ҳунари бор. Унинг қўлида оддий  ёғочдан санъат асари ҳосил бўлади.

Қўли гул ҳунарманд касб сирларидан унумли фойдаланиб, бизнесни йўлга қўйиш режасини тузганида, уни моддий жиҳатдан  “Hamkorbank” АТБнинг Яккасарой филиали қўллаб-қувватлади ва кредит билан таъминлади. Шу тариқа ҳунарманд-тадбиркор ёнғоқ, дуб,  каби қаттиқ ёғочлардан турли  турли шаклдаги безаклар ясаб, сота бошлади. Шу йил ҳам филиалдан олган иккинчи кредити эвазига  бизнесини анча ривожлантирди.

Натижада бир ойда ўртача 30 миллион сўмлик маҳсулот тайёрлашни йўлга қўйди. Бугун Шавкатбек Назаров ясаётган безак, сувинер, уй жиҳози ўрнида қўлланиладиган ёғоч буюмларнинг бозори чаққон. Санъаткорлар авлодидан бўлганми учунми Шавкатбекнинг ҳар битта иши санъат асари. Ўйлаймизки, бундай меҳнат маҳсули ҳамиша роҳат келтиради.

Н.ТЎХТАМАТОВА