“ЙИЛНИНГ ЭНГ ЯХШИ КХБ МЕНЕЖЕРИ (ОММАВИЙ СЕГМЕНТ)”

Фозилжон Жабборов,

Жиззах минтақавий БХО корпоратив хизматлар бўлими бош менежери:

—Тошкент молия институтининг банк йўналиши бўйича бакалавр ҳамда магистратурасида таҳсил олганман. Шунинг учун ҳам банкда ишлаш унчалик мураккаблик туғдирмади.

2016 йилда  ишга кирганимдан бошлаб жамоанинг ҳар бир ходимини устоз деб билдим ва улардан соҳа сирларини ўрганишга киришдим. Одатим, қандай ишни бошлашимдан қатъий назар охирига етказиш. Балки шунинг учундир ютуқ ва муваффақиятларга эришяпман. 2019 йилда чакана йўналишда, 2021-2022 йилларда корпоратив йўналишда йил номинацияси ғолиби бўлдим. Бу галгиси “Йилнинг энг яхши КХБ менежери (оммавий сегмент)” номинацияси бўйича. Бу, албатта, қувончли. Янги йил учун кўтаринки кайфият, галдаги марралар сари очилган эшик.

Мақтаниш эмасу ҳар чоракда ютуқларим бор. Бу ютуқлар билан тўхтаб қолмайман. Замонавий банкир бўлиш учун доим ўқишда, ўрганишда, изланишда бўлишим керак. Бу менинг шиорим.

Наргиза Эшонова