ЭНГ ЙИРИК ХОРИЖИЙ БАНК ФАОЛИЯТИНИ ТЎХТАТДИ
Покистоннинг Bank Alfalah банки Афғонистондаги фаолиятини бутунлай тўхтатиб, ўз бизнесини маҳаллий Ghazanfar Bank’ка топширди. Бу ҳақда Ariana News хабар берди.
Business Recorder нашри аниқлик киритишича, банкнинг Афғонистондаги фаолияти билан боғлиқ активлари ва мажбуриятлари ҳам Ghazanfar Bank’ка ўтказилган.
6 ноябрь куни банк томонидан акциядорларга юборилган хабарномада келишув 5 ноябрда якунлангани айтилган. Келишув якунланишидан аввал банк Покистон ва Афғонистон марказий банкларининг розилигини олган ҳамда барча зарур талабларни бажарган. Bank Alfalah Афғонистонда банк операцияларини тўхтатганини билдирди. Мамлакатдаги филиалларни ёпиш жараёни эса назорат органлари талабларига мувофиқ якунланади.
Банк 2005 йилда Кобулда фаолият бошлаган. У анъанавий ва исломий банк хизматларини кўрсатган. Кейинчалик Ҳирот шаҳрида ҳам филиал очган.
Банкнинг Афғонистондан чиқиб кетишига қарийб бир йил тайёргарлик кўрилган. 2025 йил декабрда банк директорлар кенгаши Ghazanfar Bank’нинг бизнесни сотиб олиш бўйича дастлабки таклифини қабул қилган. 2026 йил январида эса икки давлат марказий банклари битим олдидан текширув ўтказишга розилик берган.
