ОДАМЛАРИ ПУЛГА МУҲТОЖ БЎЛМАЙДИГАН МАМЛАКАТ

БАА Форс кўрфази соҳилида жойлашган. Бу ҳудудда  катта миқдордаги нефть тўпланиб қолган. Айнан шу омил минтақага фаровонлик олиб келган.  Ярим аср олдин бу ер кимсасиз бўлиб, инфратузилма иншоотлари йўқ эди.

Ўтган асрнинг 70-йиллари бошларида еттита ҳудуд бирлашиб, мамлакатга айланди ва Бирлашган араб амирликлари номини олди.

БААнинг  раҳбари  шайх Зайд нефть хомашёси ёрдамида катта ютуқларга эришиш қийинлигини тушунди. Унинг мақсади — бой инфратузилма, шинам уй-жойлар,  иш ўринлари яратиш эди.  Шу боис чет элдан профессионал инвесторларни жалб қила бошлади. Натижада саҳро ўрнида гуллаб-яшнаган, замонавий йирик мегаполис  қад кўтарди.

*Ҳозирда мамлакатда 8 миллиондан ортиқ аҳоли истиқомат қилади. Маҳаллий аҳоли 15 фоиздан сал кўпроқ. Қолганлари Осиё ва бошқа ҳудудлардан келган ёлланма ишчилар.

*Маҳаллий аҳоли пулга муҳтож эмас, чунки улар туғилиши билан ҳамма нарса билан таъминланган бўлади. Туғилган ҳар бир чақалоқнинг  ҳисобига 55 минг доллар ёзилади.  

*Шаҳарда кенг кўламли қурилиш ишлари бошлангандан бери маҳаллий аҳоли бошқа тинч ва қулай мамлакатларга бориб яшамоқда. Истаган вақтида яна юртига қайтиб келади.

*Мамлакатда хусусий бизнес билан шуғулланадиганларга  пул мукофоти берилади.  Ўртача иш ҳақи 4 минг  доллар, университетни битирганлар 10  минг доллардан кўп маошга эга бўлади.

*Кексалик нафақасига чиққан араб 100 000 долларгача пул олади.

*БААда ичиш, чекиш, очиқ кийиниш тақиқланади. Гиёҳванд моддалар савдоси билан шуғулланадиганларга ўлим жазоси тайинланади.

*Таълим ва тиббий хизматнинг барча тури, электр, сув бепул.

*21 ёшга  тўлган ҳар бир эркак фуқарога ер участкаси ажратилади ва уй қуриши учун маълум миқдорда пул ҳам берилади.

*Чет эллик мигрант­лар асосан хизмат кўрсатиш соҳасида, яъни  бармен, сотувчи, хизматкор,  энага, официант  бўлиб ишлайди.

*Африка ва Осиё мамлакатларидан келган меҳнат муҳожирлари бу ерда официантлик,  ҳайдовчилик, қурилиш соҳаларида ишлайди. Россия Федерацияси ва бошқа ривожланган давлатлардан борган муҳожирлар  обрўли ишларда фаолият юритади.

*БААда белгиланган миқдордаги иш ҳақи йўқ. Ўртача иш ҳақи бў­йича дунё мамлакатлари орасида етакчи ўринни эгаллайди.  Энг кам иш ҳақи қўл меҳнати билан шуғулланадиган малакасиз ишчиларга берилади. Энг кўп иш ҳақини ўқитувчилар, шифокорлар, муҳандислар, нефть соҳаси мутахассислари ва иқтисодчилар олади. 

*Бу давлатда меҳнат муҳожирларининг манфаатлари жуда яхши ҳимоя қилинади.  Улар учун  8 соатдан кўп бўлмаган, тушлик танаффуси  камида 2 соат бўлган иш жадвали тузилган. Бу жадвал қатъий назорат  остига олинган.

*Давлат қонунчилигига биноан чет эллик ишчига ҳафтасига бир кунлик таътил берилади. Шартнома иш берувчи ва мигрант ўртасида камида бир йилга тузилади.

Н. ТЎХТАМАТОВА тайёрлади.