ҚЎШАЛОҚ АЙЁМ ЗАВҚИ

Юртимизда Мустақиллик шукуҳи кеза бошлади. “Hamkorbank”да ҳам байрамга кўтаринки кайфият билан тайёргарлик жараёни кетмоқда. Сабаби истиқлол айёми санасида банкимиз учун яна бир тарих ёзилиб, 35 йиллик фаолиятимиз нишонланади.

Мустақиллик билан “Hamkorbank”нинг тенгдошлигида ўзига хос рамзий маъно бор. Истиқлол банк учун улкан имкониятлар эшигини очиб берган бўлса, банк ўз фаолияти орқали мамлакатимизнинг иқтисодий ривожига муносиб ҳисса қўшди. Кўплаб корхоналарнинг ташкил топиши, ишлаб чиқариш, хизмат кўрсатиш, савдо-сотиқ соҳаларининг тараққий этишида “Hamkorbank”нинг роли беқиёс.
Шу боис жамоамиз томонидан ушбу сана ўзгача иштиёқ билан қарши олинади. Бу тизимдаги барча тармоқлар ва уларда ишлаётган ходимларнинг руҳиятида сезилади. Банк бирлашган касаба уюшмалари қўмитаси ташаббуси билан байрам арафасида турли тадбирлар ташкил қилиниб, ўз касбининг фидойилари тақдирланади. Бундай муносабат эса қўшалоқ айём завқини туйиш ҳиссини инъом этади. Имкониятдан фойдаланиб қадрли ҳамкасбларимизни яқинлашиб келаётган мустақиллигимизнинг ҳамда банкимиз ташкил топганлигининг 35 йиллиги билан муборакбод этамиз. Осуда ва фаровон юртда яшаб, юксак натижаларга эришишнинг ўзи чексиз бахт.

Бекзод АБДУРАҲМОНОВ
Банк бирлашган касаба уюшмалари қўмитаси раис ўринбосари